Convocatoria 2017

Premiado: Escola Politécnica Superior de Enxeñería de Lugo

A Escola Politécnica Superior de Enxeñería de Lugo naceu en 1967 como Escola Universitaria de Enxeñería Técnica Agrícola, a antiga EUITA, e impartiu dende os seus inicios titulacións das áreas agraria, gandeira e forestal, converténdose en pouco tempo nunha importante referencia para estes sectores. Xustamente o ano pasado, que cumpriu o seu 50 aniversario, foi recoñecida entre as mellores universidades españolas no ranking da Fundación BBVA no ámbito da enxeñería agronómica e forestal.

O xurado tivo en conta para facer a Politécnica de Lugo merecedora deste premio a súa especial contribución para xerar empregos de calidade no medio rural, buscar a innovación en todos os métodos produtivos e adaptar a súa transmisión de coñecemento ás necesidades tan cambiantes do mercado.